Judul: Pamajikan Pisurgaeun
Penulis: Koko Koswara
Ukuran Buku: 14.8 x 21 cm | 140 hlm.
Kategori: Kumpulan Cerpen dalam Bahasa Sunda
Tahun: 2026
Ceuk Pramoedia Ananta Toer, “Jalma bisa waé pinter nga-luhuran langit. Tapi, mun teu boga karya tulis, hirupna taya hartina. Sabab bakal dipopohokeun ku balaréa.” Ku sabab kitu, nu nulis karep wani ngumpulkeun deui tulisan nu kungsi medal. Dina majalah Sunda Midang, Giwangkara, Suara Daérah, Galura, jeung Atikan.
Sakapeung mah asa éra rék ngabukukeun carpon téh. Pilakadar carita euweuh pulunganeunana. Ngan nya éta, lamun teu dihargaan ku sorangan, nya ku saha deui. Ongkoh asa piraku teuing taya mangpaatna sok sanajan ukur sakeprul. Gusti Nu Maha Suci ogé ngahargaan niat hadé najan sagedé kekebul.
Enggoning nyusun ieu buku, nu nulis ngahaja meredih bantuan ka Kang Nunu Nazarudin Azhar, juru édit jeung ilustrasi, jeung Kang Pupung, juru layout. Maksud téh ambéh bisa merenahkeun carpon mana nu pantes ditempatkeun di hareup, di tengah, jeung di tungtung
